انڈونیشیا میں زلزلے سے تباہی
ایشیا کے جنوب مشرق میں واقع ملک انڈونیشیا میں آنے والے زلزلے نے تباہی مچادی۔
انڈونیشیا کے سیاحتی مقام لومبوک میں گزشتہ روز 6.4 شدت کا زلزلہ آیا جس نے علاقے میں تباہی مچاہتے ہوئے 14 افراد کی جان لے لی، جبکہ 160 سے زائد افراد زخمی ہوئے۔
خوفناک زلزلے سے اس جزیرے پر موجود عمارتوں کو شدید نقصان پہنچا، جبکہ ہزاروں کی تعداد میں افراد بے گھر ہوگئے۔
لومبوک جزیرہ اپنے خوبصورت ساحل اور ہائیکنگ کے حوالے سے دنیا بھر میں مشہور ہے جہاں ہر سال بڑی تعداد میں سیاح آتے ہیں۔
امریکی جیولوجیکل سروے کے مطابق زلزلے کی شدت 6.4 تھی جس کا مرکز لمبوک کے شمال 50 کلومیٹر دور تھا۔
جیولوجیل سروے کے مطابق زلزلے کے بعد بھی 60 سے زائد چھوٹے زلزلے آئے جس میں سب سے زیادہ شدت 5.7 ریکارڈ کی گئی۔
