چہلم حضرت امام حسین عقیدت و احترام سے منایا گیا
ملک بھر میں چہلم امام حسینؓ روایتی عقیدت و احترام سے منایا گیا، اس موقع پر مختلف شہروں میں ماتمی جلوس بھی نکالے گئے۔
ملک کے مخلتف شہروں میں چہلم کے جلوس نکالے گئے جبکہ موبائل سروس اور جلوس کے راستے ٹریفک کے لیے بند رہے۔
حضرت امام حسین کی جائے شہادت کربلا میں بھی لاکھوں کی تعداد میں عقیدت مندوں نے چہلم کی تقریبات میں شرکت کی۔
پاکستان کے مختلف شہروں میں جلوسوں کے راستوں پر سیکیورٹی کے سخت اقدامات کیے گئے تھے۔
صوبے سندھ میں امام حسینؓ کے چہلم کے جلوس کی سیکیورٹی کے لیے 5 ہزار 311 پولیس اہلکار تعینات کیے گئے تھے۔
علاوہ ازیں سیکیورٹی خدشات کے پیشِ نظر ڈبل سواری پر بھی پابندی عائد کی گئی تھی۔
