حیدرآباد میں تبلیغی جماعت کے مزید 68 افراد صحتیاب، گھروں کو روانہ
ملک میں کورونا وائرس سے صحتیاب ہونے والوں کی تعداد میں اضافہ ہورہا ہے اور اب تبلیغی جماعت کے مزید 68 افراد صحتیاب ہوگئے ہیں۔
پولیس کے مطابق حیدرآباد میں کورونا کی تشخیص کے بعد آئیسولیشن میں رہنے والے تبلیغی جماعت کے 68 افراد صحتیاب ہوگئے اور اپنے گھروں کو روانہ ہوگئے۔
ان افراد کے گھروں کو واپس لوٹنے کے ساتھ ہی شہر میں کورونا وائرس کے ایکٹو کیسز کی تعداد 70 رہ گئی۔
پولیس کا کہنا تھا کہ شہر کی مختلف مساجد اور مقامات پر ابھی بھی تبلیغی جماعت کے مزید 95 افراد قرنطینہ میں ہیں اور انہیں کورونا وائرس کا ٹیسٹ منفی آنے کے بعد جانےکی اجازت دی جائے گی۔
لائیو ٹی وی