لاک ڈاؤن کے باعث سوات کے 400 طلبہ کرغیزستان میں محصور
کرغیزستان میں کورونا وائرس کے باعث لاک ڈاؤن کے نتیجے میں محصور ہونے والے سوات کے 400 طلبہ کا کہنا ہے کہ وہ یہاں محفوظ نہیں ہیں کیونکہ خوراک کی قلت ہے۔
طلبہ کاکہنا تھا کہ یہاں کورونا وائرس کا پھیلاؤ تیزی سے جاری ہے اور ہم لاک ڈاؤن کی وجہ سے پچھلے ایک مہینے سے اپنے اپارٹمنٹ میں محصور ہوچکے ہیں۔
ان کا کہنا تھا کہ ہم نے وفاقی وزیر مراد سعید، وزیراعلیٰ خیبر پختونخوا محمود خان اور اسپیکرقومی اسمبلی اسد قیصر سے بھی رابطہ کرنے کی کوشش کی جس کے جواب میں ہمیں او کے لکھ کر بھیج دیا جاتا ہے۔
طلبہ نے بتایا کہ اگر ہم اپارٹمنٹ سے باہر نکلتے ہیں تو پولیس پکڑ کر دھمکی دیتی ہے کہ رشوت دے دیں بصورت دیگر قرنطینہ مرکز میں بھیج دیں گے یا اپ لوگوں کو ڈی پورٹ کرکے ہمیشہ کے لیے ملک سے نکال دیں گے۔
لائیو ٹی وی