یہ عید اپنے ڈاکٹروں، نرسوں، ہیروز اور شہدا کے نام کریں، بلاول کا ویڈیو پیغام
پاکستان پیپلز پارٹی کے چیئرمین بلاول بھٹو نے کہا ہے کہ یہ عید اپنے ڈاکٹروں، نرسوں، ہیروز اور اپنے شہدا کے نام کریں۔
اپنے ویڈیو پیغام میں انہوں نے کہا کہ دنیا بھر کے مسلمان ایک ایسے وقت میں عید منارہے ہیں جب کورونا کی خطرناک وبا پھیلی ہوئی ہے۔
انہوں نے کہا کہ سعودی عرب، ایران، متحدہ عرب امارات اور ترکی نے اپنے شہریوں کو عید کا دن اپنے گھروں پر منانے کا پابند کیا ہے، اگر آپ اپنا تحفظ چاہتے ہیں تو میں اپیل کرتا ہوں کہ نماز عید بھی گھر پر ادا کریں اور عید ملن بھی فون، واٹس ایپ اور فیس ٹائم کے ذریعے کریں۔
چیئرمین پی پی پی نے کہا کہ اپنا تحفظ کرکے نہ صرف ہم خود کی جان بچاسکتے ہیں بلکہ ایسا کرنے سے ہمارے نظامِ صحت پر اتنا ہی بوجھ آئے گا کہ جتنا وہ اٹھاسکے۔
لائیو ٹی وی