ملک بھر میں لوگ عمران خان سے اظہار یکجہتی کر رہےہیں، شاہ محمود قریشی
پی ٹی آئی رہنما شاہ محمود قریشی نے لاہور میں میڈیا سے بات کرتے ہوئے کہا کہ عوام سکتے میں چلے گئے تھے جیسے جیسے اس سے باہر آرہے ہیں تو وہ غصے کا اظہار کر رہے ہیں۔
ان کا کہنا تھاکہ اس وقت ہر شہر میں لوگ جمع ہو رہے ہیں، ملتان میں لوگوں کا بڑا ہجوم جمع ہوگیا تھا، پشاور، راولپنڈی، کراچی اور لبرٹی چوک میں لوگ عمران خان کے ساتھ اظہار یک جہتی اور غم و غصے کا اظہار کر رہے ہیں۔
شاہ محمود قریشی نے کہا کہ سینئر قیادت یہاں پہنچ رہی ہے اور کل اجلاس ہوگا اور عمران خان کی ہدایت پر سیکریٹری جنرل نے بیان جاری کردیا ہے۔
انہوں نے زور دیتے ہوئے کہا کہ حکومت فی الفور واقعے کی ایف آئی آر درج کردے۔
لائیو ٹی وی