آئی جی اسلام آباد نے روکنے کی پوری کوشش کی، عمران خان
چیئرمین پی ٹی آئی عمران خان نے اسلام آباد ہائی کورٹ سے واپس زمان پارک لاہور جاتے ہوئے بتایا کہ ’ہم لاہور کے لیے نکل چکے ہیں، آئی جی اسلام آباد نے ہمیں روکنے کی پوری کوشش کی، تین گھنٹے ہمیں روکا اور کہا کہ بڑا خطرہ ہے‘۔
ان کا کہنا تھا کہ ’جب ہم سڑک پر نکلے اور ہم نے زور لگا کر ان سے کہا کہ میں سارے پاکستان کو بتاؤں گا کہ تم اغوا کر رہے ہو، ہمیں زبردستی روک رہے ہو‘۔
عمران خان نے کہا کہ ’پھر دباؤ کی وجہ سے انہوں نے ہمیں چھوڑا اور اب ہم جب نکلے ہیں تو سڑکیں خالی پڑی ہوئی تھیں، کوئی کسی قسم کا خطرہ نہیں تھا‘۔
انہوں نے کہا کہ ’ہم اگلے تین گھنٹوں میں لاہور پہنچوں گا اور جو لوگ استقبال کے لیے راستے میں کھڑے تھے، ان سب کا شکریہ ادا کرتا ہوں‘۔
لائیو ٹی وی