پاکستان مسلم لیگ کا افواج پاکستان سے اظہار یکجہتی کیلئے ریلی نکالنے کا فیصلہ
پاکستان مسلم لیگ نے پاکستان افواج پاکستان سے اظہار یکجہتی کے لیے ریلی نکالنے کا فیصلہ کیا ہے۔
پاکستان مسلم لیگ کی مرکزی قیادت کا ہنگامی اجلاس چوہدری شجاعت حسین کی سربراہی میں ان کی رہائشگاہ پر ہوا۔
اجلاس میں ملکی حالات پر شدید تشویش کا اظہار کیا گیا اور چوہدری شجاعت حسین نے کہا کہ پاکستان کی تاریخ میں پہلی بار کوئی سیاسی جماعت مسلح افواج کے دفاتر، جی ایچ کیو، جناح ہاؤس اور پبلک پرائیویٹ سیکٹر پر حملہ آور ہوئی، جو لوگ بھی اس گھناونے جرم میں ملوث ہیں ان کے خلاف سخت ایکشن لیا جائے۔
ان کا کہنا تھا کہ پاکستان مسلم لیگ نے افواج پاکستان سے اظہار یک جہتی کے لیے ریلی نکالنے کا فیصلہ کیا ہے، ریلی 17 مئی بروز بدھ سہ پہر تین بجے مسلم لیگ ہاؤس سے پریس کلب تک نکالی جائے گی۔
لائیو ٹی وی