• KHI: Fajr 4:14am Sunrise 5:43am
  • LHR: Fajr 3:19am Sunrise 4:58am
  • ISB: Fajr 3:14am Sunrise 4:58am
  • KHI: Fajr 4:14am Sunrise 5:43am
  • LHR: Fajr 3:19am Sunrise 4:58am
  • ISB: Fajr 3:14am Sunrise 4:58am

بریانی نہیں کہ ہر کسی کو پسند آؤں، حنا رضوی کا شادی پر تنقید کرنے والوں کو جواب

شائع April 23, 2024
—فوٹو: انسٹاگرام
—فوٹو: انسٹاگرام

اداکارہ حنا رضوی نے شادی کی تصاویر اور ویڈیوز وائرل ہونے کے بعد تنقید کرنے والے افراد کو کرارا جواب دیتے ہوئے کہا ہے کہ وہ بریانی نہیں کہ ہر کوئی ان سے خوش ہوجائے یا ہر کسی کو وہ پسند آئیں۔

حنا رضوی چند دن قبل ہی سوشل میڈیا انفلوئنسرعمار احمد خان سے رشتہ ازدواج میں بندھیں تھیں، ان کی شادی کی تصاویر اور ویڈیوز وائرل ہوگئی تھیں۔

شادی کی تصاویر اور ویڈیوز وائرل ہونے کے بعد بعض افراد نے ان کی جسامت پر تنقید کی تو کچھ صارفین نے انہیں زائد العمری میں شادی کرنے کے طعنے دیے۔

کچھ افراد نے ان پر یہ الزام بھی لگایا کہ انہوں نے خود سے کم عمر اور کم شہرت یافتہ شخص سے شادی کی۔

لوگوں کی تنقید کے بعد حال ہی میں حنا رضوی نے ایک شو میں خود پر ہونے والی تنقید پر کھل کر بات کی۔

حنا رضوی حال ہی میں ندا یاسر کے شو میں شوہر سمیت شریک ہوئیں، جہاں انہوں نے شادی پر تنقید کرنے والوں کو آڑے ہاتھوں لیا۔

ان کا کہنا تھا کہ ان کی شادی اور ان پر تنقید کرنے والے چند ہی لوگ ہیں، جنہوں نے جعلی اکاؤنٹس بناکر ان پر تنقید کرکے توجہ حاصل کرنے کی کوشش کی۔

ان کے مطابق وہی چند جعلی اکاؤنٹس والے مختلف پوسٹس اور ویڈیوز میں جاکر ان کی شادی اور ان کی جسامت پر کمنٹس کرتے دکھائی دیے۔

حنا رضوی کا کہنا تھا کہ ان کی شادی پر ایسے بھی کمنٹس کیے گئے کہ دیکھتے ہیں ان کی شادی کتنا عرصہ چلتی ہے؟

انہوں نے سوال کیا کہ ایسے کمنٹس کرنے والے یہ بتائیں کہ پہلے ان کی کتنی شادیاں تھیں جو ناکام ہوئیں؟ یا ان کے شوہر نے پہلے کتنی شادیاں کیں جو طلاق پر ختم ہوئیں؟

حنا رضوی کے مطابق انہوں نے اپنے پوری کیریئر میں کبھی بولڈ لباس نہیں پہنا، کبھی بولڈ کردار ادا نہیں کیے، وہ اپنے کلچر کو ساتھ لے کر چلتی ہیں اور انہیں اپنی مشرقی ثقافت پر فخر ہے۔

ان کا کہنا تھا کہ وہ بھی مسلمان ہیں، روزے رکھتی ہیں، نمازیں پڑھتی ہیں اور حجاب کرنے والی خواتین کی عزت کرتی ہیں لیکن وہ یہ دعویٰ نہیں کرتیں کہ وہ بہت ہی دیندار شخصیت ہیں۔

انہوں نے کہا کہ اگر بعض لوگوں کو وہ پسند نہیں تو اس میں ان کی کوئی غلطی نہیں، اگر وہ کسی کو اچھی نہیں لگتیں تو وہ اس میں کچھ نہیں کر سکتیں۔

حنا رضوی کا کہنا تھا کہ وہ بریانی نہیں ہے کہ وہ کسی کو اچھی لگیں یا ہر کسی کو خوش رکھ سکیں۔

اداکارہ کی تنقید کرنے والوں کو کرارا جواب دینے کی ویڈیو وائرل ہوگئی اور صارفین نے اس پر کمنٹس کرتے ہوئے ان کی بہادری اور شخصیت کو سراہا۔

کارٹون

کارٹون : 20 جون 2024
کارٹون : 17 جون 2024