کراچی: لوٹ مار کیس میں گرفتار ڈی ایس پی، بیٹا 3 روزہ جسمانی ریمانڈ پر پولیس کے حوالے
کراچی کی عدالت نے گلشن اقبال میں پان کی دکان پر لوٹ مار کرنے کے کیس میں گرفتار ڈپٹی سپرنٹنڈنٹ پولیس (ڈی ایس پی) ظفر اور اس کے بیٹے شیخ کو 3 روزہ جسمانی ریمانڈ پر پولیس کے حوالے کردیا۔
’ڈان نیوز‘ کی رپورٹ کے مطابق جوڈیشنل مجسٹریٹ شرقی کی عدالت میں تفتیشی افسر نے مؤقف اپنایا کہ ملزمان سے کیس کے حوالے سے مزید تفتیش کرنی ہے، جسمانی ریمانڈ دیا جائے۔
تفتیشی افسر مزید کہا کہ واردات کی رپورٹ میں نامزد ایک ملزم تاحال مفرور ہے، اسے بھی گرفتار کرنا ہے۔
عدالت نے تفتیشی افسر کی جسمانی ریمانڈ دینے کی درخواست منظور کرتے ہوئے آئندہ سماعت پر پیش رفت رپورٹ پیش کرنے کا حکم دے دیا۔
لائیو ٹی وی