چیف جسٹس آف پاکستان نے جوڈیشل کمیشن کا اجلاس طلب کرلیا
چیف جسٹس آف پاکستان نے جوڈیشل کمیشن کا اجلاس 18 اپریل کو طلب کرلیا۔
ڈان نیوز کے مطابق اجلاس میں سپریم کورٹ آئینی بینچ کے لیے مزید 2 ججز کی نامزدگیوں پر غور کیا جائے گا۔
دریں اثنا، بلوچستان اور پشاور ہائی کورٹ کے چیف جسٹس کی نامزدگیوں کے معاملے پر جوڈیشل کمیشن آف پاکستان کا اہم اجلاس 2 مئی کو سپریم کورٹ میں طلب کیا گیا ہے۔
اجلاس میں چیف جسٹس بلوچستان ہائی کورٹ کے لیے ججز کے ناموں پر غور ہوگا، اجلاس میں چیف جسٹس پشاور ہائی کورٹ کے لیے بھی ججز کے ناموں پر غور ہوگا۔
واضح رہے کہ 11 اپریل کو جوڈیشل کمیشن نے جسٹس باقر علی نجفی کی بطور جج سپریم کورٹ تعیناتی کی منظوری دے دی تھی۔
سپریم کورٹ کی جانب جاری پریس ریلیز کے مطابق چیف جسٹس آف پاکستان یحیٰ آفریدی کی سربراہی میں جوڈیشل کمیشن کا ڈھائی گھنٹے طویل اجلاس ہوا، جس میں لاہور ہائی کورٹ کے جسٹس باقر علی نجفی کو سپریم کورٹ میں تعینات کرنے کی منظوری دی گئی تھی۔
اعلامیہ کے مطابق جسٹس علی باقر نجفی کی تعیناتی کی منظوری اکثریت کی بنیاد پر دی گئی تھی۔
لائیو ٹی وی