قومی کرکٹرز دورہ بنگلہ دیش اور ویسٹ انڈیز کے تربیتی کیمپ کیلئے کراچی پہنچنا شروع
دورہ بنگلہ دیش اور ویسٹ انڈیز کے لیے پاکستانی اسکواڈ کا تربیتی کیمپ بدھ سے کراچی میں شروع ہوگا، ممکنہ کھلاڑیوں نے کراچی میں رپورٹ کرنا شروع کر دیا ہے۔
ڈان نیوز کے مطابق بنگلہ دیش اور ویسٹ انڈیز کیخلاف ممکنہ اسکواڈ میں شامل کھلاڑیوں کی کراچی آمد کا سلسلہ شروع ہو گیا ہے، اہم سیریز کی تیاریوں سے متلعق ٹیم آفیشلز اور کوچز کی میٹنگز بھی شیڈول ہیں۔
9 جولائی سے شروع ہونے والا تربیتی کیمپ 15 جولائی تک کراچی میں جاری رہےگا، پاکستان کرکٹ ٹیم 16 جولائی کو ڈھاکہ کے لیے روانہ ہو گی۔
واضح رہے کہ پاکستان اور بنگلہ دیش کے درمیان 3 ٹی 20 میچز 20، 22 اور 24 جولائی کو شیرِ بنگلہ کرکٹ اسٹیڈیم ڈھاکا میں کھیلے جائیں گے۔
بعد ازاں قومی اسکواڈ ویسٹ انڈیز کیخلاف ٹی 20 اور ون ڈے سیریز کھیلنے کے لیے امریکا اور پھر ویسٹ انڈیز جائے گا۔
پاکستان اور ویسٹ انڈیز کے درمیان ٹی 20 سیریز کے تینوں میچز بالترتیب 31 جولائی، 2 اور 3 اگست کو امریکی ریاست فلوریڈا میں کھیلے جائیں گے۔
ٹی 20 سیریز کے اختتام پر قومی ٹیم، ون ڈے سیریز کے لیے ٹرینیڈاڈ کا رُخ کرے گی جہاں دونوں ٹیموں کے مابین 3 ون ڈے میچز 8، 10 اور 12 اگست کو شیڈول ہیں۔
لائیو ٹی وی