تربیلا ڈیم کے اسپل ویز کھولنے کا فیصلہ، این ڈی ایم اے نے انتباہ جاری کردیا
نیشنل ڈیزاسٹر مینجمنٹ اتھارٹی (این ڈی ایم اے) نے انتباہ جاری کیا ہے کہ تربیلا ڈیم اسپل ویز کھولنے کا فیصلہ کیا گیا ہے۔
سرکاری خبر رساں ادارے اے پی پی کی رپورٹ کے مطابق این ڈی ایم اے کی جانب سے کہا گیا ہے کہ دریائے سندھ میں پانی کے بہاؤ میں ممکنہ اضافے کے پیش نظر ملحقہ علاقوں کے مکین آبی گزرگاہوں کے قریب جانے، قریبی سیاحتی مقامات پر سیر و تفریح سے گریز کریں اور مقامی انتظامیہ کے ساتھ تعاون کریں۔
منگل کو این ڈی ایم اے کی جانب سے جاری بیان کے مطابق تربیلا ڈیم کے سپل ویز کھولنے کا فیصلہ کیا گیا ہے، اسپل ویز رات 12 بجے کھول دیے جائیں گے۔
اسپل ویز کھلنے کے باعث پانی کا بہاؤ 2لاکھ 50 ہزار کیوسک تک متوقع ہے، این ڈی ایم نے تمام متعلقہ اداروں کو پیشگی آگاہ کر دیا ہے۔
لائیو ٹی وی