مسلسل چوتھے روز سونا سستا ہو گیا
ملک بھر میں مسلسل چوتھے روز سونے کی قیمتوں میں کمی کا رجحان دیکھا گیا۔
سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط کے حامل خالص سونے کی فی تولہ قیمت 200 روپے تنزلی سے 3 لاکھ 58 ہزار 100 روپے ہو گئی۔
اسی طرح 24 قیراط 10 گرام سونا 171 روپے سستا ہو کر 3 لاکھ 7 ہزار 13 روپے میں فروخت ہوا جبکہ 22 قیراط 10 گرام سونے کا بھاؤ 157 روپے تنزلی سے 2 لاکھ 81 ہزار 438 روپے ریکارڈ کیا گیا۔
ادھر، فی تولہ اور 10 گرام چاندی کی قیمتیں بھی 59 روپے اور 51 روپے گر گئیں، جس کے بعد یہ بالترتیب 4 ہزار 72 اور 3 ہزار 491 روپے ہو گئیں۔
ایسوسی ایشن نے رپورٹ کیا کہ بین الاقوامی مارکیٹ میں سونے کی قیمت 2 ڈالر کم ہو کر 3 ہزار 354 ڈالر ہو گئی۔
لائیو ٹی وی