نادیہ خان کی بیٹی علیزے خان فیشن شو میں جلوہ گر
اداکارہ و ٹی وی میزبان نادیہ خان کی بیٹی علیزے خان فیشن شو میں جلوہ گر ہوئیں۔
حال ہی میں نادیہ خان نے کراچی میں ایک فیشن شو کی تقریب ’رنوے سمر سپرنگ فیشن شو‘ میں شرکت کی، جہاں ان کے ہمراہ ان کی بیٹی علیزے اور بیٹے اذان بھی موجود تھے۔
فیشن شو میں پہلی بار نادیہ خان کی بیٹی علیزے نے ریمپ واک کی، اس دوران نادیہ خان کے چہرے پر فخریہ تاثرات نمایاں تھے۔
لہنگے میں ملبوس علیزے خان فیشن شو کی شو اسٹاپر بھی رہیں۔
#NadiaKhan daughter spotted while ramp Walk at RunWay SS25 fashion show in Karachi #foru #videoviral #fyp #for #amnarasool #allpakshowbizstarz #alizehkhan
نادیہ خان نے شوبز سوشل میڈیا پیج ’عرفانستان‘ سے گفتگو میں کہا کہ وہ اپنے بچوں کو یہ دکھانا چاہتی تھیں کہ کیٹ واک کیسے ہوتی ہے اور انہیں یہ بھی بتانا چاہتی تھیں کہ شوبز میں کام کرنا آسان نہیں بلکہ بہت مشکل ہے۔
میزبان کے مطابق ان کے بچے خود بھی فیشن شو میں آنا چاہتے تھے اور انہیں یہاں آکر بہت اچھا لگا۔
علیزے خان نے ریمپ واک کے تجربے کو شاندار قرار دیا اور کہا کہ فی الحال ان کا شوبز میں آنے کا کوئی ارادہ نہیں ہے، کیونکہ وہ چھٹیوں پر پاکستان آئی تھیں اور اب واپس اپنی تعلیم جاری رکھنے کے لیے باہر جا رہی ہیں۔
لائیو ٹی وی