لندن: سربین ٹینس سٹار اور عالمی نمبر دو نوویک جوکووچ نے چھ مرتبہ گرینڈ سلیم چیمپئن بورس بیکر کی بطور ہیڈ کوچ خدمات حاصل کر لیں۔

سٹار سربین پلیئر نے بدھ کو اس بات کا اعلان کرتے ہوئے کہا ہے کہ بورس بیکر ورلڈ کلاس کوچ ہیں ان کی ٹینس بارے سوچ بھی وسیع ہیں اسلئے ان کے ساتھ معاہدہ کرنے پر وہ بے حد خوش ہیں۔

انہوں نے کہا کہ ان کی تمام تر توجہ مستقبل میں ہونے والے ایونٹس پر مرکوز ہے، بیکر بطور کوچ بھی گہرا تجربہ رکھتے ہیں اور ان کا یہی تجربہ مجھے کیریئر میں مزید ٹرافیاں جتوانے میں مدد گار ثابت ہو گا۔

ان کا کہنا ہے کہ بیکر عظیم انسان ہیں اور مجھے پورا یقین ہے کہ وہ ہماری ٹیم کیلئے موزوں رہیں گے، میرا مقصد آئندہ سال بہترین ٹینس کھیل کر مزید گرینڈ سلیم ٹائٹلز حاصل کرنا ہے اور امید ہے کہ اس حوالے سے بیکر ہر طرح سے میری مدد کریں گے۔