پاکستان کے جنوبی صوبہ سندھ کے ضلع کشمور کی تحصیل کندھ کوٹ میں نامعلوم افراد نے اٹھارہ انچ قطر کی پائپ لائن کو بارودی مواد سے تباہ کردیا۔

گیس پائپ لائن کے تباہ ہونے سے کراچی سمیت سندھ کے دیگر شہروں کو گیس کی فراہمی معطل ہوگئی۔

ڈان نیوز ٹی وی کے مطابق یہ واقعہ کندھ کوٹ کےنواحی گاؤں عبدالرحیم بجارانی میں اٹھارہ انچ قطر کی پائپ لائن کو بارودی مواد سے تباہ کردیا گیا۔ جس کے نتیجے میں کراچی سمیت سندھ کے دیگر شہروں میں گیس کی فراہمی معطل ہوگئی ہے۔

دھماکے سے گیس کا اخراج شروع ہوگیا، جبکہ پائپ لائن کی مرمت کا کام جاری ہے۔

واقعہ کے بعد سیکیورٹی اہلکاروں نے علاقے کو گھیرے میں لے لیا تھا۔