پشاور: بڈھ بیر سے 18 قبائلی افراد اغوا

اپ ڈیٹ 15 مارچ 2014
ذرائع کے مطابق 60 سے 70 مسلح افراد ان اٹھارہ افراد کو اغوا کرکے اپنے ساتھ لے گئے۔
ذرائع کے مطابق 60 سے 70 مسلح افراد ان اٹھارہ افراد کو اغوا کرکے اپنے ساتھ لے گئے۔

پشاور: پاکستان کے صوبہ خیبر پختونخوا کے دارالحکومت پشاور کے علاقے بڈھ بیر سے گزشتہ رات نامعلوم افراد نے کم سے کم اٹھارہ قبائلی افراد کو اغوا کرلیا۔

سرکاری ذرائع کا کہنا ہے کہ تقریباً 60 سے 70 مسلح افراد نے بڈھ بیر کے علاقے ماشوخیل کے فقیر کلے نامی گاؤں میں چھاپہ مارا اور یہاں سے اٹھارہ افراد کو اغوا کر کے اپنے ساتھ لے گئے۔

مغوی افراد کا تعلق شنواری قوم سے بتایا جا تا ہے۔

ابھی تک اس واقعہ کی ذمہ داری کسی گروپ یا تنظیم نے قبول نہیں کی ہے اور نہ ہی اس واقعہ کی وجہ معلوم ہوسکی ہے۔

دوسری جانب سیکیورٹی خدشات کی وجہ سے خیبر ایجنسی میں جاری انسدادِ پولیو مہم کو سترہ مارچ تک ملتوی کردیا ہے۔

تبصرے (0) بند ہیں