فیشن کے رنگ کس خاتون کے دل کو نہیں بھاتے، پاکستان بھی اس معاملے میں کسی سے پیچھے نہیں اور یہاں ملبوسات کے نت نئے ڈیزائن صنف نازک کے دلوں پر بجلیاں گراتے رہتے ہیں۔

مگر اب پاکستانی ڈیزائنر بیرون ملک بھی دھوم مچانے لگے ہیں جس کی ایک مثال کیریبین کے علاقے پورٹ آف اسپین میں ہونے والے فیشن شو میں ان کی شرکت ہے۔

وہاں کے ایک کلب میں ہونے والے فیشن شو میں پاکستانی ڈیزائنر نور آغا کی کلیکشن کو بھی پیش کیا گیا جس نے لوگوں پر جادو سا کرکے رکھ دیا۔