موڈیز نے پاکستانی معیشت کی ریٹنگ منفی سے مثبت کردی
کراچی: بین الاقوامی ریٹنگ ایجنسی موڈیز نے پاکستانی معیشت کی ریٹنگ منفی سے مستحکم کردی ہے۔
ڈان نیوز کے مطابق پاکستانی معیشت کی کارکردگی سے متعلق جاری رپورٹ میں موڈیز نے کہا ہے کہ پاکستانی معیشت میں بہتری آئی ہے۔
موڈیز کے مطابق ریٹنگ کو منفی سے مستحکم کیا گیا ہے اور یہ سی اے اے ون پر برقرار ہے۔
رپورٹ کے مطابق پاکستان کے زرمبادلہ ذخائر نمایاں طور پر بہتر ہوئے ہیں جبکہ کرنٹ اکاؤنٹ خسارہ بھی قابو میں ہے۔
رپورٹ میں کہا گیا کہ یورو بانڈز کے اجراء کی وجہ سے معیشت کو دو ارب ڈالر کا سہارا ملا ہے۔
موڈیز کے مطابق حکومت کی جانب سے معیشت کی اصلاح کے لیے کیے جانے والے مختلف اقدامات قابل ستائش ہیں جبکہ آئی ایم ایف کی جانب سے قرض کی اگلی قسط ملنے کے امکانات بھی روشن ہیں۔
لائیو ٹی وی