• KHI: Maghrib 7:24pm Isha 8:52pm
  • LHR: Maghrib 7:09pm Isha 8:46pm
  • ISB: Maghrib 7:20pm Isha 9:00pm
  • KHI: Maghrib 7:24pm Isha 8:52pm
  • LHR: Maghrib 7:09pm Isha 8:46pm
  • ISB: Maghrib 7:20pm Isha 9:00pm

اسرائیلی جارحیت: نواز شریف کا ملک میں یومِ سوگ کا اعلان

شائع July 24, 2014
وزیر اعظم نے غزہ کے متاثرین کے لیے امداد کا علان بھی کیا ہے۔۔۔فائل فوٹو
وزیر اعظم نے غزہ کے متاثرین کے لیے امداد کا علان بھی کیا ہے۔۔۔فائل فوٹو

اسلام آباد: پاکستان نے اسرائیلی کی جارحیت کے خلاف سرکاری سطح پر غزہ سے یوم یکجہتی منانے کا اعلان کیا ہے۔

فلسطینی عوام سے یکجہتی کے لیے جمعہ کے روز پاکستان میں یوم سوگ منایا جائے گا، سرکاری عمارتوں پر قومی پرچم سرنگوں رہے گا۔

غزہ کی صورت حال پروزیراعظم نوازشریف کی جانب سے یوم سوگ منانے کا اعلان کیا گیا ہے۔

وزیر اعظم نوازشریف نے غزہ کے متاثرین کے لیے 10لاکھ ڈالر امداد دینے کا بھی اعلان کیا ہے۔

یاد رہے کہ غزہ پر اسرائیل نے 7 اور 8 جولائی کی درمیان شب سے حملے شروع کیے تھے، اسرائیلی جارحیت کو 17 دن مکمل ہونے کو ہیں اور اس دوران ہلاکتوں کی تعداد 747 تک جا پہنچی ہے۔

دوسری جانب اقوام متحدہ میں اسرائیل کے خلاف تحقیقات کا آغاز ہو چکا ہے اس کے باوجود غزہ پر جارحیت کا سلسلہ نہیں رک سکا ہے۔

واضح رہے کہ اسرائیلی حملوں میں اب تک ہلاک ہونے والوں میں بچوں اور خواتین کی بڑی تعداد شامل ہے۔

حماس نے بھی اسرائیل کی جانب سے آٹھ سال سے جاری غزہ کا محاصرہ ختم نہ کرنے تک جنگ جاری رکھنے کا عندیہ دیا ہے۔

ادھر اسرائیل نے تسلیم کیا ہے کہ حماس اس کے لیےایک مضبوط دشمن کے طور پر سامنے آئی ہے۔

اسرائیلی فوج کے ترجمان لیفٹینینٹ کرنل پیٹر لرنر نے میڈیا بریفنگ کے دوران بتایا تھا کہ حماس کے جنگجو تربیت یافتہ ہیں، ان کے حوصلے بلند ہیں، ہمارا مقابلہ ایک مضبوط دشمن سے ہے۔

یاد رہے کہ چار روز قبل ہی اسرائیل نے غزہ میں زمینی کارروائی کا آغاز کیا تھا، ان چار دنوں میں ہی اسرائیل کے 30سے زائد فوجی ہلاک ہو چکے ہیں جو کہ گزشتہ چند سالوں میں اسرائیل کا بڑا نقصان بتایا جا رہا ہے اس کے علاوہ غزہ میں اسرائیلی فوجی کے یرغمال بنائے جانے کی بھی اطلاعات ہیں مگر اس کی تاحال تصدیق نہیں ہو سکی ہے۔

تبصرے (2) بند ہیں

Nadeem Jul 25, 2014 10:38am
It is very appreciating but Is this enough or government should have taken some bold and blunt decisions for example put a pressure on Islamic countries to intervene in this conflict and resolve it raise a loud voice in UN. Where is Saudi Arabia , Iran why are not showing up at the canvas. Negotiation is the most significant way to handle any conflict.....
Amir Paul Jul 26, 2014 06:03pm
acha step hai but soog manany se kiya ho jaye ga? wo to zulam per tullay huye. Plz pray for ghaza muslims...

کارٹون

کارٹون : 11 جولائی 2024
کارٹون : 10 جولائی 2024