سیالکوٹ کے قریب سرحد پر انڈین افواج کی بلااشتعال فائرنگ
سیالکوٹ: آج علی الصبح یہاں چارہ اور چپراڑ سیکٹر کے سرحدی علاقوں پر ہندوستانی فوجیوں کی جانب سے بلااشتعال فائرنگ کی گئی، جس کے نتیجے میں چناب رینجرز کے دو اہلکار اور ایک عام شہری زخمی ہوگیا۔
چناب رینجرز کے ذرائع کے مطابق فائرنگ کا سلسلہ اتوار اور پیر کی درمیانی شب شروع ہوا، جو صبح سات بجے تک جاری رہا۔
ہندوستانی فوج کی فائرنگ کا چناب رینجرز نے بھی بھرپور جواب دیا جس کے بعد فائرنگ کا سلسلہ رُک گیا۔
ذرائع کا کہنا ہے کہ ہندوستانی فوج کی جانب سے بھاری ہتھیاروں کا استعمال کیا گیا جس کے نتیجے میں متعدد مویشی بھی ہلاک ہوگئے، جبکہ کئی مکانات کو بھی نقصان پہنچا۔
سیالکوٹ سے عمران صادق کی اضافی رپورٹنگ۔
لائیو ٹی وی