'لاہور کا بلاول ہاؤس تاحال بحریہ ٹاؤن کی ملکیت'
اسلام آباد: بحریہ ٹاؤن کے ایک ترجمان نے واضح کیا ہے کہ لاہور میں بلاول ہاؤس کے نام سے معروف جائیداد تاحال اس ہاؤسنگ سوسائٹی کے نام پر ہے۔
دس مئی کو ’لاہور کا بلاول ہاؤس کس کی ملکیت‘ کے زیرِعنوان ڈان میں شایع ہونے والی ایک خبر کے تعلق سے جاری بیان میں بحریہ ٹاؤن کے ترجمان نے کہا ’’بحریہ ٹاؤن کو اب تک صرف 17 کروڑ روپے موصول ہوئے ہیں، جبکہ اس جائیداد کی کل قیمت 0.49 ارب روپے ہے۔‘‘
انہوں نے کہا کہ ’’بقایا رقم کی وصولی کے بعد ہی جائیداد کی منتقلی کا عمل صرف سیل ڈیڈ کے ذریعے ممکن ہوسکتا ہے۔ لہٰذا تاحال یہ جائیداد بحریہ ٹاؤن کے نام پر ہے۔‘‘
اس بیان میں مزید کہا گیا ہے کہ ’’ہم سیکیورٹیز اینڈ ایکسچینج آف پاکستان کے قوانین کے مطابق قواعد و ضوابط کی پیروی کرتے ہیں، ہم کوئی جائیداد کسی کو بطور تحفہ نہیں دے سکتے۔‘‘
لائیو ٹی وی