'35پنکچر ایک سیاسی بات تھی'

اپ ڈیٹ 02 جولائ 2015
تحریک انصاف کے سربراہ عمران خان نے جوڈیشل کمیشن کا فیصلہ قبول کرنے کا اعلان کیا ہے ۔۔۔ فائل فوٹو: اے ایف پی
تحریک انصاف کے سربراہ عمران خان نے جوڈیشل کمیشن کا فیصلہ قبول کرنے کا اعلان کیا ہے ۔۔۔ فائل فوٹو: اے ایف پی

اسلام آباد : پاکستان تحریک انصاف کے سربراہ عمران خان نے پنجاب کے نگراں وزیر اعلیٰ نجم سیٹھی پر لگائے جانے والے الزام کے حوالے سے کہا ہے کہ 35 پنکچر کا بیان ایک سیاسی بات تھی۔

نجی ٹی وی چینل جیو کو انٹرویو دیتے ہوئے 35 پنکچر کے حوالے سے عمران خان کا کہنا تھا کہ بریگیڈیئر سیمسن نے تحریک انصاف کو بتایا ، انہوں نے مرتضی پویا سے یہ سنا تھا جس کے بعد وہ ٹویٹ ہوگیا اور اس طرح 35 پنکچر کا معاملہ بنا۔

یہ بھی پڑھیں : 35پنکچروں کی داستان

انتخابی دھاندلی کی تحقیقات کے حوالے سے بننے والے کمیشن کے حوالے سے ان کا کہنا تھا کہ جوڈیشل کمیشن بلکل درست کام کر رہا ہے، پاکستان میں ایسا کمیشن بننا داد کا مستحق ہے، جوڈیشل کمیشن کا جو بھی فیصلہ ہو گا پاکستان تحریک انصاف اس کو قبول کرے گی۔

مزید پڑھیں : سیٹھی کو 'پنکچر لگانے' کا صلہ ملا، عمران خان

چیف جسٹس کے حوالے سے ان کا کہنا تھا کہ جس طرح چیف جسٹس نے جوڈیشل کمیشن میں انتخابی دھاندلی کے معاملے کو سنا ہے، چیف جسٹس کوئی چیز نہیں بھولے، ان کو ایک ایک چیز یاد تھی، کسی کو ہلنے کا موقع نہیں دیا اسی لیے کسی نے کوئی سیاسی تقریریں نہیں کیں اور سب کو موضوع پر رکھا، اسی لیے تحریک انصاف 35 پنکچر کا معاملہ لے کر نہیں آئی کیونکہ یہ تو ایک سیاسی بات ہے۔

یہ بھی پڑھیں : نجم سیٹھی کی عدالتی کمیشن میں پیش ہونے کی پیشکش

خیال رہے کہ نجم سیٹھی عام انتخابات 2013 سے قبل پنجاب کے نگراں وزیر اعلیٰ بنے تھے، الیکشن کے بعد پنجاب سے مسلم لیگ (ن) کی کامیابی کے بعد پاکستان تحریک انصاف نے الزام عائد کیا تھا کہ نجم سیٹھی نے مسلم لیگ کو 35 نشستوں پر کامیاب کروایا جس کو 35 پنکچر کا نام دیا گیا۔

عمران خان کا بیان سامنے آنے کے بعد تحریک انصاف کے رہنماؤں کے بھی اس حوالے سے بیانات سامنے آئے ہیں ۔

تبصرے (2) بند ہیں

Malik USA Jul 02, 2015 06:49pm
Excellent example of u turn.
Naveed Chaudhry Jul 03, 2015 12:34am
Asalam O Alikum, Again political answer. Correct answer is that they were repeating only remuers or more bluntly you can say that they were lieing. Who is responsible for all the costs tax payers have to pay? Further in another statment he says the salary paid or will be paid for the period they were absent will be donated to his hospital. Why tax payers have to shoulder this and many more non reported cost?