صوبہ سندھ کے شہر لاڑکانہ میں ایک مقامی مجسمہ ساز نے موئن جو دڑو تہذیب کے نایاب جانور کا مجسمہ بنا ڈالا۔

قدیم تہذیب موئن جو دڑو پر تحقیق ہر دور میں ہوتی رہی ہے، لیکن گاؤں بلھڑیجی کے آرٹسٹ کے اس کام نے کمال کردکھایا۔

محمد الیاس نامی مجسمہ ساز نے موئن جو دڑو کے نایاب جانور یونیکارن کی تصویر کا مجسمہ پہلی بار بنایا ہے۔

فنکار نے موئن جودڑو کے بادشاہ کنگ پریسٹ کا بھی طویل قامت والا مجسمہ تیار کیا ہے۔ ہے۔ قدیم تہذیب کی رقص کرتی ہوئی خاتون اور لسی بناتی عورت کو بھی مجسمے میں ڈھالا گیا ہے۔

محمد الیاس کا کہنا ہے حکومت اس کام میں مدد کرے تو موئن جو دڑو ہی نہیں ماضی کی یادیں مجسموں میں ڈھالنے کا پورا کارخانہ بنایا جاسکتا ہے۔