پاکستانی کرکٹر شعیب ملک کی اہلیہ بھارتی ٹینس اسٹار ثانیہ مرزا کی بہن شادی کے بندھن میں بندھنے جارہی ہیں، اور ثانیہ مرزا اپنی بہن کی شادی کو بہت یادگار بنانا چاہتی ہیں اسی لیے انہوں نے اپنی بہن انعم کے سنگیت کے فنکشن کو بالی ووڈ کے رنگوں میں رنگ دیا۔

انعم کے سنگیت میں شریک ہوئے بالی ووڈ کے افق پر چمکتے روشن ستارے جن میں دبنگ خان سلمان خان، معروف ہدایت کار فرح خان اور بی ٹاؤن کے نئے ستارے پرینیتی چوپڑا اور ارجن کپور قابل ذکر ہیں۔

اسپورٹس اسٹار کی جوڑی بھی سب کی نگاہ کا مرکز بنی رہی۔

جب اتنے بڑے ستارے ہوں تقریب کا حصہ تو تقریب کی چمک دمک میں اضافہ ہونا تو بنتا ہی ہے، تو کچھ ایسا ہی ہوا،

گانے، بھنگڑے اور ڈھیر ساری سیلفیوں سے سجی اس سنگیت کی کچھ تصویری جھلکیاں آپ کو بھی دکھاتے ہیں،

بی ٹاؤن کے ستاروں نے اس جشن اور رونق کو سوشل میڈیا کی زینت بھی بنایا۔