یہ ماں، بیٹیاں چہرے پر مسکراہٹ بکھیر دیں گی
ویسے تو ماں اور بیٹیوں کا ایک جیسا لباس پہننا کوئی غیر معمولی بات نہیں مگر جب اسے عادت بنالیا جائے تو اس کا جو نتیجہ سامنے آتا ہے وہ ضرور چہرے پر مسکراہٹ بکھیر دیتا ہے۔
ایسا ہی کچھ برطانیہ سے تعلق رکھنے والی ایک بلاگر ڈومینک ڈیوس اور ان کی دو بیٹیوں امیلا اور پینی نے کیا ہے۔
یہ تینوں ایک جیسے ملبوسات پہنتی ہیں، جنھیں ڈومینک نے انسٹاگرام پر شیئر کیا ہے۔
وہ بتاتی ہیں کہ یہ روایت اتفاقیہ قائم ہوئی 'گزشتہ سال جون میں ایک صبح میں نے اور پینی نے بلاارادہ ایک جیسے لباس نکال کر پہنے اور پھر امیلا اٹھ کر آئی تو اس نے بھی ویسا ہی لباس پہن رکھا تھا، ہم ایک دوسرے کو دیکھ کر ہنسے اور اُس وقت مجھے خیال آیا ہے کہ ہم اس مذاق کو ہر ایک کے ساتھ شیئر کرتے ہیں'۔
یہ پہلی تصویر آپ نیچے دیکھ سکتے ہیں جسے سولہ ہزار سے زائد افراد لائیک کرچکے ہیں۔
اپنے خیال کی کامیابی نے ڈومینک کو اس طرح کی ایک اور تصویر پوسٹ کرنے پر اکسایا جس میں یہ تینوں تربوز کے ساتھ پوز دے رہی ہیں اور اس پر بھی مثبت ردعمل کو دیکھ کر انہوں نے ہر ہفتے اس طرح کی تصاویر پوسٹ کرنا اپنا معمول بنالیا۔
ان کے بقول 'یہ تصاویر میرے لیے بہت خاص بن چکی ہیں، جن سے ہمیں یہ جاننے کا موقع ملتا ہے کہ ہر ہفتے ہم کیا کچھ کرتے رہے'۔
لائیو ٹی وی