انگلینڈ اور آسٹریلیا کے درمیان تاریخی ایشز سیریز کا برسبین میں آغاز ہو گیا جہاں انگلینڈ نے پہلے بیٹنگ کرتے ہوئے چار وکٹ کے نقصان پر 196 رنز بنا لیے ہیں۔

انگلینڈ نے ٹاس جیت کر پہلے بیٹنگ کا فیصلہ کیا جو غلط چابت ہوا اور سابق کپتان ایلسٹر کک صرف دو رنز بنانے کے بعد پویلین لوٹ گئے۔

جیمز ونس اور مارک اسٹون مین نے سنچری شراکت بنا کر ابتدائی نقصان کا ازالہ کیا لیکن ونس کے رن آؤٹ نے انگلینڈ کی تمام تر محنت پر پانی پھیر دیا اور آسٹریلیا نے دن کے اختتام سے قبل تین وکٹیں حاصل کر کے میچ میں شاندار انداز میں واپسی کی۔

جب بارش سے متاثرہ پہلے دن کا کھیل کم روشنی کے سبب جلد ختم کیا گیا تو انگلینڈ نے چار وکٹ کے نقصان پر 196 رنز بنائے تھے۔