آزاد کشمیر: جیپ دریا میں گرنے سے ماں، بیٹے سمیت 5 افراد ہلاک
مظفر آباد: آزاد جموں کشمیر میں جیپ کھائی میں گرنے سے اس میں سوار ماں اور بیٹے سمیت 5 افراد جاں بحق ہوگئے۔
پولیس حکام کا کہنا ہے کہ مسافر مظفر آباد سے وادی نیلم کے ایک گاؤں جارہے تھے کہ راستے میں سونار اور سنداری گاؤں کے نزدیک صبح تقریباً نو بجے کے قریب یہ حادثہ پیش آیا۔
علاقے کے ایک پولیس اہلکار محمد اسلم نے بتایا کہ جس وقت حادثہ پیش آیا تو اس وقت گاڑی کے ڈرائیور سمیت 12 افراد اس میں سوار تھے،
ایک مقامی فرد محمد افضل نے ڈان سے بات چیت کرتے ہوئے بتایا کہ جیپ پہاڑی راستے پر موڑ کاٹتے ہوئے بے قابو ہوگئی، پہلے وہ 8 فیٹ پیچھے کی جانب آئی اور پھر 300 فٹ نیچے دریائے نیلم میں جاگری۔
مزید پڑھیں: آزاد کشمیر: جیپ دریا میں گرنے سے 9 افراد ہلاک
انہوں نے بتایا کہ اس بدقسمت جیپ کے پیچھے آنے والی گاڑی میں سوار لوگوں نے اپنی آنکھوں سے جیپ کو گرتے ہوئے دیکھا اور انہوں نے یہ مقامی افراد کو مدد کے لیے آس پاس کے گاؤں والوں کو مدد کے لیے طلب کیا۔
پولیس اہلکار محمد اسلم کا کنہا تھا کہ گاڑی میں سوار تمام افراد اس میں پھنسے ہوئے تھے جن میں 4 افراد موقع پر ہی ہلاک ہوگئے تھے جبکہ 7 زخمی تھے، اور خوش قسمتی سے ایک مسافر بالکل محفوظ رہا۔
انہوں نے بتایا کہ زخمیوں میں سے ایک شخص ہسپتال جاتے ہوئے زخموں کی تاب نہ لاکر زندگی کی بازی ہار گیا تھا، تاہم اس وقت ایک زخمی کی حالت نازک ہے۔
مقامی افراد نے اس حادثے کا ذمہ دار غیر معیاری سڑکوں کو قرار دیتے ہوئے کہا کہ وادی کے دور دراز علاقوں میں کچی سڑک ہونے کی وجہ سے مسافروں کی جانب کو خطرات لاحق ہوتے ہیں۔
یہ بھی پڑھیں: مظفر آباد:جیپ گہری کھائی میں گرنے سے نومولود سمیت 5 افراد جاں بحق
علاقہ مکینوں کا کہنا تھا کہ متعلقہ حکام نے مسلسل احتجاج کے باوجود کچی سڑکوں کے معاملے پر آنکھیں بند کی ہوئی ہیں۔
خیال رہے کہ 21 مارچ کو بھی وادی کھلانا میں بھی ایک جیپ ندی میں جاگری تھی جس کے نتیجے میں 9 افراد ہلاک اور 5 زخمی ہوگئے تھے۔
یاد رہے کہ رواں برس 5 فروری کو آزاد کشمیر کے دارالحکومت مظفر آباد کے قریب ایک جیپ گہری کھائی میں جا گری تھی جس کے نتیجے میں ایک نومولود سمیت 5 افراد جاں بحق اور 9 زخمی ہوگئے تھے۔
لائیو ٹی وی