نواز شریف،مریم نواز کا استقبال: 198 لیگی کارکنان کے خلاف مقدمات درج
سیالکوٹ اور ڈسکہ پولیس نے پاکستان مسلم لیگ (ن) سے تعلق رکھنے والے 198 افراد کے خلاف مقدمات درج کرلیے۔
ان افراد نے سابق وزیر اعظم نواز شریف اور ان کی صاحبزادی مریم نواز کی لندن سے واپسی پر استقبال کے لیے ریلی کا انعقاد کیا تھا جس کے بعد ان کے خلاف مقدمات درج کیے گئے۔
سیالکوٹ صدر پولیس نے سب انسپیکٹر مقصود احمد کی رپورٹ کے پیش نظر 175 لیگی کارکنان کے خلاف پاکستان پینل کوڈ کے سیکشن 188، 290 اور 291 کے تحت مقدمات درج کیے۔
دریں اثنا ڈسکہ صدر پولیس نے 23 لیگی کارکنان، جن میں رانا رضا، ہاشم بٹ اور مسلم لیگ (ن) ڈسکہ کے جنرل سیکریٹری نعیم بٹ شامل ہیں، کے خلاف مقدمات درج کرلیے۔
واضح رہے کہ ان افراد کے خلاف ڈسکہ-سیالکوٹ روڈ پر ریلی نکالنے پر بھی مقدمات درج ہیں۔
خبر کی مزید تفصیل یہاں پڑھیں۔
رپورٹ: عابد حسین مہدی
متعلقہ خبریں:
لائیو ٹی وی