دھونی کی دھواں دار بیٹنگ، ہندوستان کامیاب
پورٹ آف سپین: مہندرا سنگھ دھونی کی شاندار بیٹنگ کی بدولت ہندوستان نے سری لنکا کو فائنل میں سنسنی خیز مقابلے کے بعد 1 وکٹ سے شکست دیکر ٹرائینگولر کرکٹ ٹورنامنٹ جیت لیا۔ اس طرح ایک بار پھر سری لنکا کی ٹیم فائنل جیتنے میں ناکام رہی-
اس میچ میں ایک بار پھر ہندوستانی کپتان مہندرا سنگھ دھونی، سری لنکا اور جیت کے درمیان حائل ہو گئے اور ورلڈ کپ فائنل کی طرح اس میچ میں بھی دھونی نے میچ وننگ اننگز کھیلی اور ناقابل شکست 45 رنز بنائے-
ہندوستان کو میچ کے آخری اور میں 15 رنز درکار تھے اور دھونی پہلی گیند پر کوئی رن نہ بنا سکے لیکن اگلی تین گیندوں پر انہوں نے چھکا، چوکا اور ایک مزید چھکا لگاتے ہوئے انڈین ٹیم کو ایک اور ٹائٹل دلا دیا-
انڈین کپتان مہندرا سنگھ دھونی کو میچ جبکہ فاوٹ باؤلر بھوونیشور کمار کو سیریز کا بہترین کھلاڑی قرار دیا گیا۔
پورٹ آف اسپین میں کھیلے گئے فائنل میں سری لنکن ٹیم نے پہلے کھیلتے ہوئے 48.5 اوورزمیں 201 رنز بنا کر ہندوستان کو میچ میں کامیابی کے لیے 202 رنز کا ہدف دیا۔
سری لنکا کی طرف سے کمارا سنگا کارا 71 اور تھرامانے 46 رنز کے ساتھ نمایاں رہے۔ ہندوستان کی طرف سے جدیجہ نے چار جبکہ بھوونیشور، ایشون، اور اشانت شرما نے دو دو کھلاڑیوں کو آؤٹ کیا۔جواب میں 202 رنز کے ہدف کے تعاقب میں ہندوستان کا مضبوط بیٹنگ لائن اپ جم کر نہ کھیل سکا اور پہلی سات وکٹیں 152 رنز پر گر گئیں۔ لیکن روہت شرما کے 58 رنز نے اننگز کو اس قابل بنا دیا کہ بعد میں دھونی نے ٹیل اینڈرز کے ساتھ آخری اوور تک سری لنکن بالرز کا سامنا کیا اورصرف ایک وکٹ باقی تھی کہ ہندوستان مطلوبہ ہدف حاصل کرلیا۔
دھونی 45 رنز بنا کر ناٹ آوٹ رہے اور مین آف دی میچ قرار پائے۔
اس جیت کے ساتھ ہی ہندوستان نے چیمپئنز ٹرافی جیتنے کے بعد، ون ڈے کرکٹ کا ایک اور ٹائٹل اپنے نام کر لیا-
لائیو ٹی وی