انڈونیشیا میں جاری ایشین گیمز 2018 تاریخی کامیابی کے بعد شاندار تقریب کے ساتھ اپنے اختتام کو پہنچے۔

اولمپکس کے بعد سب سے بڑے گیمز تصور کیے جانے والے 18ویں ایشین گیمز میں 17ہزار ایتھلیٹس نے شرکت کی اور 16دن تک ایونٹ میں دلچسپ اور کانٹے دار مقابلے منعقد ہوئے۔

گیمز کی اختتامی تقریب میں فنکاروں نے اپنے فن کا شاندار مظاہرہ کر کے شائقین کے دل موہ لیے جبکہ آخر میں آتش بازی کے دلفریب منظر نے آنکھوں کو خیرہ کردیا۔

چین نے لگاتار 10ویں ایشین گیمز میں اپنی برتری برقرار رکھی اور 132سونے، 92چاندی اور 65کانسی کے تمغوں کے ساتھ پہلی پوزیشن حاصل کی۔

پاکستان کی کارکردگی واجبی رہی اور قومی دستہ محض 4کانسی کے تمغے ہی جیت سکا۔