کرپشن کیس: سابق وزیر اعلیٰ بلوچستان کے پرنسپل سیکریٹری بری
کوئٹہ کی احتساب عدالت نے سابق وزیر اعلیٰ بلوچستان ڈاکٹر عبدالمالک بلوچ کے پرنسپل سیکریٹری کو کرپشن کیس میں بری کردیا۔
خیال رہے کہ سابق وزیر اعلیٰ کے پرنسپل سیکریٹری نسیم لہری کے خلاف 2012 میں ضلع خضدار میں لیویز تنخواہوں میں غبن پر کرپشن کیس فائل کیا گیا تھا۔
مزید پڑھیں: بلوچستان: سابق وزیر خوراک کرپشن کے الزام میں گرفتار
نسیم لہری اس وقت بلوچستان پبلک سروس کمیشن کے رکن کے طور پر کام کر رہے ہیں۔
احتساب عدالت کے جج پذیر بلوچ نے کیس میں نسیم لہری اور بلوچستان حکومت کے 21 ویں گریڈ کے افسر ڈاکٹر عمر بابر کو بری کردیا۔
یہ بھی پڑھیں: بلوچستان کرپشن کیس: ’6 ارب میں40 ارب روپے کی کرپشن نہیں ہوسکتی‘
تاہم عدالت نے اسی کیس میں خضدار کے خزانچی عبید اللہ اور کیشئر محمد موسیٰ کو 3، 3 سال قید اور 5 کروڑ 89 لاکھ روپے کا جرمانہ عائد کردیا۔
خیال رہے کہ نیب کی جانب سے 2012 میں لیویز اہلکاروں کی تنخواہوں میں 11 کروڑ روپے کے غبن پر کیس فائل کیا تھا۔
لائیو ٹی وی