پاکستان اور سری لنکا کی ٹیموں نے رواں ماں پاکستان میں شیڈول سیریز کے لیے تیاریوں کا آغاز کردیا ہے۔

پاکستان اور سری لنکا کے درمیان تین ون ڈے اور اتنے ہی ٹی20 میچوں کی سیریز 27ستمبر سے کراچی کے نیشنل اسٹیڈیم میں شروع ہو گی۔

ون ڈے اور ٹی 20 سیریز کے لیے پاکستانی ٹیم کا کیمپ لاہور کے قذافی اسٹیڈیم میں لگایا گیا ہے جس میں طلب کیے گئے تمام 20 کھلاڑیوں نے بھرپور پریکٹس کی۔

سری لنکن ٹیم کا دورہ پاکستان کے لیے کیمپ کولمبو کے آر پریماداسا اسٹیڈیم میں لگایا گیا ہے جس میں سیریز کے حوالے سے تیاریاں شروع کردی گئی ہیں۔