اسلام آباد میں ہونے والے اسلامی تعاون تنظیم (او آئی سی) کی وزرائےخارجہ کونسل کے غیر معمولی اجلاس کے انعقاد کے لیے پارلیمنٹ ہاؤس میں انتظامات کو حتمی شکل دے دی گئی ہے۔

اجلاس میں شرکت کرنے والے مہمانوں کے استقبال کے لیے پارلیمنٹ کی راہداری میں ریڈ کارپٹس بچھا دیے گئے ہیں۔

او آئی سی وزرائے خارجہ کونسل کے اجلاس کے لیے سینیٹ اور قومی اسمبلی کو برقی قمقموں اور پھولوں سے آراستہ کر دیا گیا ہے۔

پارلیمنٹ کو دیدہ زیب بنانے کے لیے تزین و آرائش کا کام مکمل ہوگیا ہے اور کل یہاں پر او آئی سی وزرائے خارجہ کونسل کا اجلاس ہوگا۔

اجلاس میں شرکت کے لیے او آئی سی کے رکن ممالک کے نمائندوں کے علاوہ افغانستان کے لیے تعینات مختلف ممالک کے نمائندہ گان خصوصی بھی اسلام آباد پہنچ گئے ہیں، جن میں جرمنی سمیت دیگر ممالک شامل ہیں۔