بیجنگ سرمائی اولمپکس کی افتتاحی تقریب برڈز نیسٹ اسٹیڈیم میں منعقد ہوئی، جہاں میزبان چین کی ٹیم صدر شی جن پنگ کے ہمراہ تالیوں کی گونج میں سب سے پہلے داخل ہوئی۔

تقریب کو برف کی مناسبت سے سجایا گیا تھا اور گیمز کے نشانات کندہ کیے گئے تھے جبکہ گیمز کا انعقاد کووڈ-19 کی عالمی وبا اور چین میں انسانی حقوق کی خلاف ورزی کے معاملے پر تنقید کے باعث خطرات میں گھرا ہوا تھا اور متعدد ممالک نے سفارتی بائیکاٹ کر رکھا ہے۔

تقریب چین کے نئے سال کے پہلے روز ہوئی اور اس کا آغاز ڈانسرز نے رقص سے کیا اور اس کے بعد زبردست آتش بازی کی۔

روایتی قومی پریڈ بھی کیا گیا اور 91 ممالک کی ٹیمیں بھی میدان میں آئیں۔