سابق کمشنر راولپنڈی لیاقت چٹھہ کے ذاتی اسسٹنٹ کے گھر پولیس کا چھاپہ
سابق کمشنر راولپنڈی لیاقت چٹھہ کے ذاتی اسسٹنٹ اشفاق تارڑ کی رہائش گاہ پر چھاپہ مار کر برادر نسبتی کو حراست میں لے لیا گیا۔
’ڈان نیوز‘ کے مطابق یہ چھاپہ اشفاق تارڑ کی علی پور چٹھہ میں واقع رہائش گاہ پر مارا گیا ہے، رابطہ کرنے پر علی پور چٹھہ پولیس نے چھاپے کی تصدیق کی تاہم تفصیلات بتانے سے انکار کردیا۔
بیگم اشفاق تارڑ نے بتایا کہ پولیس بیرونی دروازے کے لاک توڑ کر گھر میں داخل ہوئی اور گھر کی تلاشی لی، جو کاغذات ملے قبضے میں لے لیے، پولیس نے ہم سب گھر والوں کے موبائل فون بھی قبضے میں لے لیے ہیں۔
انہوں نے کہا کہ اشفاق تارڑ محکمہ معدنیات میں ملازم ہیں، وہ لیاقت چٹھہ کے ساتھ ذاتی اسسٹنٹ کے طور پر کام کر رہے تھے۔
لائیو ٹی وی