عساکر پاکستان پر حملے اورمذاکرات ساتھ ساتھ نہ چلیں گے۔یاد رہے کہ حکومت نے اے پی سی کے بعد ، دہشت گردوں کو امن مذاکرات کی دعوت دی مگر طالبان نے جواب میں پاک فوج کے اعلیٰ افسران کو شہید کر کے حکومت پیغام دیا ہے کہ وہ بہت طاقت ور ہیں اور حکومت کو نقصان پہنچا سکتے ہیں اوریہ کہ حکومت انہیں ختم نہیں کرسکتی؟ لگتا ہے کہ ایسا طالبان نے حکومت کو دباؤ میں لانے کے لیے کیا ہے تاکہ وہ حکومت سے اپنی شرائط منوائیں سکیں اور حکومت سے مذاکرات میں بہتر پوزیشن میں آجائیں۔ مگر یہ حملہ پاکستان کے لیے بہت بڑاچیلنج ہے کیونکہ اس میں حکومت کو براہ راست چیلنج کیا گیا ہے۔ اس سے پہلے طالبان پاکستان کے شاہد اللہ شاہد نے امن مذاکرات شروع کرنے سے قبل اپنی شرائط پیش کرتے ہوئے کہا کہ اگر حکومت مذاکرات میں سنجیدہ ہے‘ توہمارے ساتھی طالبان قیدی رہا کرے اور فاٹا سے فوج واپس بلائے‘ اور اس طرح اعتماد سازی کا ماحول بنائے۔ لگتا ہے طالبان ایسا القائدہ کےا شاروں پر کر رہے ہیں اور مذاکرات کو سبوتاژ کرنے کے درپے ہیں کیونکہ ایمن الظواہری پاکستان کو مجاہدین کے لیے محفوظ ٹھکانہ بنانا چاہتے ہیں، تاکہ پاکستان کواسلامی نظام قائم کرنے کے لیے جدوجہد کی غرض سے استعمال کیا جائے۔ ایسا لگتا ہے کہ طالبان لمبے چوڑے، ناممکن و ناقابل عمل و قبول مطالبات وشرائط پیش کر رہے ہیں جن سے مذاکرات کا عمل شروع ہونے سے قبل ہی ختم ہو جانے کا قوی خدشہ موجود ہےاور ان حالات میں یہ بیل منڈھے چڑہتی نظر نہ آتی ہے۔ بعض تجزیہ کاروں کا خیال ہے کہ تحریک طالبان نے پاک فوج پر حملے جاری رکھنے کے اعلان کے ساتھ حکومت پاکستان سے مذاکرات کے دروازے عملاً بند کردیئے ہیں ۔ تحریک طالبان کی جانب سے یہ کہنا کہ وہ پاکستانی فوج پر حملے جاری رکھے گی اور اس سلسلے میں ہر موقع استعمال کرے گی ، یہ عملاً پاکستانی قوم کو پیغام ہے کہ طالبان پاکستان کے ساتھ کسی بھی مثبت مذاکرات کے لئے فی الحال تیار نہیں ہیں۔ طالبان سے مذاکرات کر کے امن و آتشتی کی راہ ہموار کرنا وقت کی اہم ضرورت ہےاور خود طالبان کے حق میں بہتر ہے کیونکہ اس سے خون خرابہ ختم ہو گا اور ملک میں امن قائم ہو سکتا ہے اور طالبان قومی سیاسی دھارے میں بھی آ سکتے ہیں مگر طالبان کو بھی امن کی اس خواہش کو پاکستان کی کمزوری نہ سمجھنا چاہئیے۔ طالبان کو یہ سمجھ لینا چاہئیے کہ انہیں دہشت گردی ترک کرنے اور القائدہ و لشکر جھنگوی جیسی دہشت گرد و فرقہ پرست جماعتوں سے قطع تعلق کرنا ہی ہو گا۔

[…] تھا کہ ہم فوج پر حملے کا کوئی موقع ضائع نہیں کریں گے۔ فوج پر حملے جاری رکھیں گے، طالبان | Dawn Urdu عساکر پاکستان پر حملے اورمذاکرات ساتھ ساتھ نہ چلیں […]