پی ٹی آئی سوشل میڈیا ایکٹیوسٹ عروبہ کومل کی ضمانت بعد از گرفتاری منظور
اسلام آباد کی ڈسٹرکٹ اینڈ سیشن عدالت نے پریونشن آف الیکٹرانک کرائمز ایکٹ (پیکا) ایکٹ کے تحت درج مقدمے میں پاکستان تحریک انصاف (پی ٹی آئی) کی سوشل میڈیا ایکٹیوسٹ عروبہ کومل کی ضمانت بعد از گرفتاری منظور کرلی۔
ڈان نیوز کے مطابق جوڈیشل مجسٹریٹ شبیر بھٹی نے 50 ہزار مچلکوں کے عوض ان کی ضمانت منظور کی ، عروبہ کومل کی جانب سے سردار مصروف ایڈووکیٹ عدالت میں پیش ہوئے۔
سردار مصروف ایڈووکیٹ نے دلائل دیتے ہوئے کہا کہ اسی مقدمے میں پہلے سے 2خواتین کی ضمانت منظور ہوچکی ہے ، عروبہ کومل ایف آئی آر میں میں نامزد بھی نہیں ہیں ۔
بعد ازاں عدالت نے عروبہ کومل کی ضمانت بعد ازگرفتاری کی درخواست منظور کرلی۔
یاد رہے کہ گزشتہ روز عدالت نے پی ٹی آئی فیس بک ہیڈ سیدہ عروبہ کو جوڈیشل ریمانڈ پر بھیج دیا تھا۔
لائیو ٹی وی