ملک بھر میں سونے کی قیمتیں گر گئیں
ملک بھر میں آج پھر سونے کی قیمتوں میں کمی کا رجحان دیکھا گیا۔
سرکاری خبر رساں ادارے ’اے پی پی‘ کی رپورٹ کے مطابق آل پاکستان صرافہ جیمز اینڈ جیولرز ایسوسی ایشن نے بتایا کہ 24 قیراط کے حامل فی تولہ خالص سونے کی قیمت 300 روپے کمی سے 3 لاکھ 58 ہزار 165 روپے ہو گئی۔
اسی طرح 24 قیراط 10 گرام سونا 257 روپے سستا ہو کر 3 لاکھ 7 ہزار 68 روپے میں فروخت ہوا، جبکہ 22 قیراط 10 گرام سونے کا بھاؤ 235 روپے تنزلی سے 2 لاکھ 81 ہزار 489 روپے ریکارڈ کیا گیا۔
دوسری جانب، چاندی کی فی تولہ اور 10 گرام قیمتیں بالترتیب 14 اور 12 روپے اضافے سے 3 ہزار 799 روپے اور 3 ہزار 257 روپے کی ہو گئی۔
عالمی مارکیٹ میں فی اونس سونے کی قیمت 3 ڈالر کمی کے بعد 3 ہزار 366 ڈالر ہو گئی۔
لائیو ٹی وی