کے ایم سی کی تمام چارجڈ پارکنگ سائٹس پر آج سے شہریوں کیلئے پارکنگ بالکل مفت
کراچی میونسپل کارپوریشن (کے ایم سی ) کی تمام چارجڈ پارکنگ سائٹس پر آج سے پارکنگ بالکل مفت ہوگی۔
ڈان نیوز کے مطابق میئر کراچی مرتضیٰ وہاب نے رواں سال فروری میں شہریوں کے لیے پارکنگ مفت کرنے کا اعلان کیا تھا، اور کہا تھا کہ نوٹیفکیشن جاری کرکے پارکنگ فیس کا بوجھ شہریوں سے ہٹا دیا جائے گا۔
میئر کراچی کا کہنا تھا کہ شہریوں پر پارکنگ فیس کا بوجھ ختم کر دیا گیا، کے ایم سی کے نام پر غیر قانونی پیسے وصول کرنے والوں کے خلاف قانونی کارروائی عمل میں لائی جائے گی۔
بیرسٹر مرتضیٰ وہاب نے کہا تھا کہ کے ایم سی اب اپنے پیروں پر کھڑی ہو گئی ہے، کے ایم سی کے اکاؤنٹ میں 2 ارب روپے سے زائد موجود ہیں۔
لائیو ٹی وی