ملک بھر میں سونے کی قیمتیں کم ہوگئیں
ملک بھر میں آج سونے کی فی تولہ قیمت میں ایک ہزار 500 روپے کی کمی ہوگئی۔
سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط فی تولہ سونا 1,500 روپے سستا ہو کر 3 لاکھ 55 ہزار 500 روپے کا ہو گیا۔
اسی طرح 24 قیراط 10 گرام سونے کی قیمت میں ایک ہزار 286 روپے کی کمی ہوئی، جس کے بعد یہ 3 لاکھ 4 ہزار 783 روپے میں فروخت ہوا جبکہ 22 قیراط 10 گرام سونے کی قیمت 1,179 روپے گر کر 2 لاکھ 79 ہزار 394 روپے پر آ گئی۔
تاہم، چاندی کی قیمتوں میں کوئی تبدیلی نہیں ہوئی اور فی تولہ چاندی 3 ہزار 871 روپے اور 10 گرام چاندی 3 ہزار 318 روپے پر مستحکم رہی۔
ادھر، عالمی مارکیٹ میں سونے کی قیمت 15 ڈالر کمی کے بعد 3 ہزار 335 ڈالر فی اونس ہو گئی۔
واضح رہے کہ گزشتہ روز 24 قیراط خالص سونے کی فی تولہ قیمت 800 روپے بڑھ کر 3 لاکھ 57 ہزار روپے ہو گئی تھی۔
اسی طرح 24 قیراط 10 گرام سونا 685 روپے مہنگا ہو کر 3 لاکھ 6 ہزار 69 روپے پر پہنچ گیا تھا، جبکہ 22 قیراط 10 گرام سونے کی قیمت 628 روپے کے اضافے سے 2 لاکھ 80 ہزار 573 روپے ہو گئی تھی۔
لائیو ٹی وی