سونے کی قیمت میں بڑی کمی، فی تولہ سونا 3 ہزار روپے سستا ہوگیا
ملک بھر میں آج سونے کی قیمتوں میں بڑی کمی ریکارڈ کی گئی۔
سرکاری خبر رساں ادارے ’اے پی پی‘ کے مطابق آل پاکستان صرافہ جیولرز ایسوسی ایشن نے رپورٹ کیا کہ ملک بھر میں 24 قیراط فی تولہ سونے کی قیمت میں 3 ہزار روپے کی نمایاں کمی ہوئی، جس کے بعد نئی قیمت 3 لاکھ 51 ہزار 500 روپے ہو گئی۔
اسی طرح 24 قیراط 10 گرام سونا 2 ہزار 572 روپے تنزلی سے 3 لاکھ ایک ہزار 354 روپے کا ہو گیا، جبکہ 22 قیراط 10 گرام سونے کی قیمت 2 ہزار 357 روپے گر کر 2 لاکھ 76 ہزار 251 روپے ریکارڈ کی گئی۔
چاندی کی قیمتوں میں کوئی تبدیلی نہیں آئی اور فی تولہ چاندی 3,841 روپے اور 10 گرام چاندی 3,293 روپے پر مستحکم رہی۔
بین الاقوامی مارکیٹ میں بھی سونے کی قیمت میں کمی دیکھی گئی، جہاں سونا 33 ڈالر سستا ہو کر 3 ہزار 292 ڈالر فی اونس ہو گیا۔
لائیو ٹی وی