ابوظبی میں خاتون نے طلاق کے لیے 77 ارب روپے کا دعویٰ دائر کردیا
متحدہ عرب امارات میں ایک کیریبین خاتون نے طلاق کے لیے ایک ارب درہم مالیت کا دعویٰ دائر کردیا جو کہ پاکستانی تقریبا 77 ارب روپے بنتے ہیں۔
ویب سائٹ ’خلیج ٹائمز‘ کے مطابق اگر خاتون اپنا دعویٰ جیتنے میں کامیاب ہوجاتی ہیں تو نہ مذخورہ کیس صرف نہ امارات بلکہ خلیجی خطے کی تاریخ کا سب سے بڑا طلاقی مالی تصفیہ ثابت ہو سکتا ہے۔
خاتون کی نمائندگی کرنے والی برطانوی قانونی فرم کے عہدیدار کے مطابق مذکورہ مقدمہ ابوظبی سول فیملی کورٹ میں زیرِ سماعت ہے۔
انہوں نے بتایا کہ فریقین ایک مسلم کیریبین جوڑا ہے جو طویل عرصے سے متحدہ عرب امارات میں مقیم ہیں اور دونوں کا تعلق انتہائی دولت مند خاندانوں سے ہے۔
خاتون کے وکیل کا کہنا تھا کہ اگرچہ مقدمے کی تفصیلات خفیہ ہیں لیکن جس رقم کا مطالبہ کیا جا رہا ہے وہ فریقین کے مالی حالات کو ظاہر کرتا ہے، مقدمے کی بنیاد اس اصول پر ہے کہ جو چیزیں ایک ساتھ مل کر بنائی گئی ہوں، انہیں منصفانہ طور پر تقسیم کیا جانا چاہیے۔
انہوں نے مزید کہا کہ ابوظبی سول فیملی کورٹ نہ صرف مالی بلکہ غیر مالی تعاون کو بھی تسلیم کرتی ہے اور ایسے فیصلے دیتی ہے جو جدید شراکت داری کی حقیقی زندگی کی عکاسی کرتے ہیں۔
رواں برس مئی میں ابو ظبی سول کورٹ نے ایک غیر ملکی جوڑے کے درمیان ’نو فالٹ‘ (No-Fault) طلاق کا فیصلہ سنایا، جس میں 10 کروڑ درہم سے زائد کا مالی تصفیہ ہوا جو اس وقت خلیجی خطے میں رپورٹ ہونے والا سب سے بڑا طلاقی معاہدہ تھا۔
لائیو ٹی وی