پانچ روز سے جاری کمی کے بعد آج سونا مہنگا ہو گیا
پانچ روز سے جاری کمی کے بعد آج سونے کی قیمتوں میں اضافہ ہو گیا۔
سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط سونے کی قیمت 300 روپے اضافے سے 3 لاکھ 55 ہزار روپے ہو گئی۔
اسی طرح 24 قیراط 10 گرام سونا 257 روپے بڑھ کر 3 لاکھ 4 ہزار 355 روپے میں فروخت ہوا جبکہ 22 قیراط 10 گرام سونے کے دام بڑھ کر 2 لاکھ 78 ہزار 992 روپے ریکارڈ کی گئی۔
ادھر، فی تولہ چاندی اور 10 گرام چاندی کی قیمت میں کوئی تبدیلی نہیں آئی اور یہ بالترتیب 3 ہزار 963 روپے اور 3 ہزار 397 روپے پر برقرار رہی۔
عالمی مارکیٹ میں سونے کی قیمت 3 ڈالر بڑھ کر 3 ہزار 323 ڈالر فی اونس ہوگئی۔
واضح رہے کہ 24 جولائی کو 24 قیراط سونے کی فی تولہ قیمت 5 ہزار 900 روپے تنزلی سے 3 لاکھ 59 ہزار روپے ریکارڈ کی گئی تھی۔
25 جولائی کو 24 قیراط کے حامل فی تولہ خالص سونے کی قیمت 2 ہزار 300 روپے کمی سے 3 لاکھ 56 ہزار 700 روپے ہو گئی تھی۔
26 جولائی (ہفتہ) 24 قیراط فی تولہ خالص سونے کی قیمت 300 روپے کمی سے 3 لاکھ 56 ہزار 400 روپے ریکارڈ کی گئی تھی۔
28 جولائی کو 24 قیراط خالص سونے کی قیمت 100 روپے گر کر 3 لاکھ 56 ہزار 300 روپے ہو گئی تھی۔
29 جولائی (گزشتہ روز) 24 قیراط خالص سونے کی قیمت ایک ہزار 600 روپے گر کر 3 لاکھ 54 ہزار 700 روپے ہو گئی تھی۔
لائیو ٹی وی