مسلسل تیسرے روز سونے کی قیمتوں میں اضافہ
ملک بھر میں مسلسل تیسرے روز سونے کی قیمتوں میں اضافہ ہو گیا۔
سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط فی تولہ خالص سونے کی قیمت 500 روپے اضافے سے 3 لاکھ 62 ہزار 700 روپے ہو گئی۔
اسی طرح 24 قیراط 10 گرام سونا 428 روپے مہنگا ہو کر 3 لاکھ 10 ہزار 956 روپے کا ہو گیا جبکہ 22 قیراط 10 گرام سونے کے نرخ 392 روپے بڑھ کر 2 لاکھ 85 ہزار 53 روپے ریکارڈ کیے گئے۔
ادھر، بین الاقوامی مارکیٹ میں سونے کی قیمت بڑھ کر 3 ہزار 400 ڈالر فی اونس ہو گئی۔
واضح رہے کہ 6 اگست کو 24 قیراط کے حامل فی تولہ خالص سونے کی قیمت ایک ہزار 300 روپے بڑھ کر 3 لاکھ 59 ہزار 300 روپے ہو گئی تھی۔
7 اگست کو 2 ہزار 900 روپے اضافے کے بعد فی تولہ سونا 3 لاکھ 62 ہزار 200 روپے پر پہنچ گیا تھا۔
لائیو ٹی وی