ملک بھر میں سونا سستا ہو گیا، فی تولہ قیمت کتنی ہوگئی؟
ملک بھر میں سونے کی قیمتوں میں آج کمی ہوگئی۔
سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط فی تولہ سونا 300 روپے سستا ہو کر 3 لاکھ 62 ہزار 400 روپے کا ہو گیا۔
اسی طرح 24 قیراط 10 گرام سونے کا بھاؤ 257 روپے تنزلی سے 3 لاکھ 10 ہزار 699 روپے میں فروخت ہوا، جبکہ 22 قیراط 10 گرام سونا 236 روپے کمی سے 2 لاکھ 84 ہزار 817 روپے کا ہو گیا۔
ادھر، عالمی مارکیٹ میں سونے کی قیمت 3 ڈالر کم ہوکر 3 ہزار 397 ڈالر فی اونس ہوگئی۔
لائیو ٹی وی