کراچی: گلستان جوہر میں فائرنگ، بچی سمیت 6 افراد زخمی
کراچی کے علاقے گلستان جوہر چمن اقبال کالونی میں 2 گروپوں میں تصادم کے دوران فائرنگ کے نتیجے میں بچی سمیت 6 افراد زخمی ہوگئے۔
ڈان نیوز کے مطابق کراچی کے علاقے گلستان جوہر چمن اقبال کالونی میں 2 گروپوں کے درمیان معمولی تنازع پر جھگڑا ہوا۔
دونوں گروپوں کے تصادم کے دوران مخالفین نے ایک دوسرے پر فائرنگ کی جس کے نتیجے میں ایک بچی سمیت 6 افراد زخمی ہوگئے۔
ریسکیو ذرائع نے بتایا ہے کہ فائرنگ کے واقعے کے فوراً بعد پولیس کی نفری موقع پر پہنچ گئی اور واقعے کی تحقیقات کا آغاز کردیا۔
ریسکیو ذرائع کا کہنا تھا کہ فائرنگ کے نتیجے میں زخمی ہونے والوں کی شناخت رحمٰن، اکبر، نزیر، وریشہ، سلمان اور عمر کے ناموں سے ہوئی۔
لائیو ٹی وی