اسلام آباد: وزیراعظم کا زیر تعمیر ٹیکنالوجی پارک کا دورہ، سست روی پر برہمی کا اظہار
وزیراعظم شہباز شریف نے وفاقی دارالحکومت میں زیر تعمیر ٹیکنالوجی پارک کی تعمیر میں سست روی پر برہمی کا اظہار کرتے ہوئے سے جلد مکمل کرنے کی ہدایت کردی۔
ایسوسی ایٹڈ پریس آف پاکستان (اے پی پی) کے مطابق اسلام آباد میں زیر تعمیر ٹیکنالوجی پارک کا دورہ کیا اور وہاں پر تعمیر میں سست روی پر برہمی کا اظہار کیا۔
اس موقع پر وزیراعظم کو دی گئی بریفنگ میں بتایا گیا کہ آئی ٹی پارک 2 زیر زمین ، گراؤنڈ اور 9 بالائی منزلوں پر مشتمل ہے، پارک میں دفاتر، انکیوبیشن سینٹر، بزنس سپورٹ سینٹر، تحقیق وترقی لیباٹریاں، لیول تھری ڈیٹا سینٹر، آڈیٹوریم اور 1,200 گاڑیوں کی پارکنگ شامل ہیں۔️
مزید بتایا گیا کہ پارک کا مقصد نوجوانوں کے لیے نوکریاں و معاشی نمو کو بڑھانا، عالمی آئی ٹی مسابقت کو بڑھانا اور ڈیجیٹل تقسیم کو ختم کرنا ہے۔
وزیراعظم نے ٹیکنالوجی پارک کی تعمیر کو جلد سے جلد مکمل کرنے کی ہدایت کرتے ہوئے کہا کہ اس منصوبے کو ابتدائی ہدایت کے مطابق بتائی گئی مدت میں مکمل کیا جائے۔
شہباز شریف کا کہنا تھا کہ منصوبے میں عالمی معیار کے مطابق سہولیات کی فراہمی کو یقینی بنایا جائے، تمام ذمہ داران اس منصوبے کی تکمیل کے لیے اپنی کوششیں تیز کریں۔
لائیو ٹی وی