کراچی میں خاتون کو ہراساں کرنے والا رکشہ ڈرائیور گرفتار
کراچی پولیس نے خاتون کو ہراساں کرنے والے رکشہ ڈرائیور کو گرفتار کرکے اس کے خلاف مقدمہ درج کرلیا۔
ڈان نیوز کے مطابق کراچی کی سہراب گوٹھ پولیس نے خاتون کو ہراساں کرنے میں ملوث رکشہ ڈرائیور کو گرفتار کرلیا۔
پولیس نے بتایا ہے کہ ملزم کے خلاف ہراسانی اور اغوا کی دفعات کے تحت مقدمہ درج کیا گیا ہے۔
ڈی آئی جی ایسٹ نے واضح کیا ہے کہ ایسے واقعات ناقابلِ برداشت ہیں، خاتون نے رکشہ ڈرائیور کی ہراساں کرنے کی ویڈیو بنائی تھی جس پر ڈی آئی جی ایسٹ نے پولیس کو فوری کارروائی کے احکامات جاری کئے تھے۔
ایس ایچ او سہراب گوٹھ ممتازمروت کا کہنا تھا کہ متاثرہ خاتون نے بہادری کا مظاہرہ کرتے ہوئے اپنے موبائل فون سے واقعے کی ویڈیو بنائی، جس میں دیکھا جاسکتا ہے کہ ملزم خاتون کو ویران مقام پر ہراساں کر رہا ہے۔
لائیو ٹی وی